ZAHARTZAROA ETA DOWN SINDROMEARI BURUZKO FORMAKUNTZA SENIDE ETA ZAINTZAILEENTZAT |
Datozen hilabeteetan, CITA-Alzheimer Fundazioak
Down sindromea duten pertsonen zahartzeari buruzko
6 prestakuntza-saio antolatuko ditu senide eta zaintzaileentzat.
Horietan, zahartzearekin loturiko osasun-arazo ohikoenei buruz hitz egingo da:
Alzheimer gaixotasuna, loaren gorabeherak, epilepsia, hipotiroidismoa, etab.
Saio bakoitzean arazo horietako bat azalduko da
eta ondoren mahai-inguru bat egingo da partehartzaileen artean.
Saioak euskaraz eta gaztelaniaz egingo dira,
eta online formatua eta formatu presentziala konbinatuko dituzte.
Saioen egutegia pixkanaka jakinaraziko da
sare sozialen eta posta elektronikoaren bidez.
CITA-Alzheimer Fundazioaren programa eta proiektuetan
parte hartzeko interesa baduzue mezu bat idatzi dezakezue
downsindromea@cita-alzheimer.org helbidera
edo deitu 943 021 792 telefonora.