TXERTOAK ATZEGIN |
Covid-aren aurkako txertaketa dela eta, lehengo aste bukaeran Atzegiri esan zitzaigun eguneko zentroetako eta adimen desgaitasuna duten pertsonen etxebizitzetako langileek txertoa jartzeko aukera izango dutela. Hau adineko zentroetako langileen txertaketak bukatzen direnean hasiko da.
Zerbitzu horietan dauden adimen desgaitasuna duten pertsonei jartzea ere garrantzitsua dela nabarmendu genuen eta horren ondorioz, esan digute eurek ere jasoko dutela txertoa langileekin batera. Hori lortzeko, negoziaketa batzuk egon dira.
Erabaki hau oso beharrezkoa iruditzen zaigu eta espero dugu prozesu hau ahal den azkarren martxan jartzea.