ATZEGIREKIN DUEN KONPROMISOA BERRITU DU ”LA CAIXA” FUNDAZIOAK |
”La Caixa” Fundazioak Atzegiren aldeko apustua egingo du berriro
bizitza independenterako gure prestakuntza sustatuz.
Aurtengo Gizarte Proiektuetarako Deialdian
”La Caixa” Fundazioak 1,4 milioi euro bideratuko ditu
euskal erakundeen 55 proiektutara.
Atzegi erakunde horietako bat da eta, laguntza horri esker,
aurten ere prestakuntzak eskaintzen jarraituko dugu.
Prestakuntza hauetan, gure parte-hartzaileek trebetasun berriak ikasten dituzte
etorkizunean modu independentean bizi ahal izateko.
Aurreko ikasturtean ere ”La Caixa” Fundazioaren laguntza jaso genuen
eta, horri esker, 39 pertsonak parte hartu ahal izan zuten ikastaroetan.
Urriaren 18an, asteazkena, aukeratutako proiektuak aurkezteko ekitaldian parte hartu genuen
eta, Atzegitik, gure lana azaltzeko
eta jasotako laguntzagatik berriro ere eskerrak emateko aukera izan genuen.