Izenemateak
DMCorporativewww.atzegi.eus
letra-tipo txikitu letra-tipo haunditu

BIZITZA INDEPENDENTERAKO FAMILIA LAGUNTZA

Bizitza Independenterako Familia Laguntza Programa

Desgaitasun intelektuala duten pertsonek nola, non eta norekin bizi nahi duten erabakitzeko eskubidea dute. Premisa horren pean sortu zen Atzegiko Bizitza Independenterako Familia Laguntzarako programa (lehen SOLOS bezala ezagutzen zena), duela 25 urte baino gehiago. Denbora horretan zehar, adimen-desgaitasuna duten pertsona askok Bizitza Independentearen Plana martxan jarri ahal izan dute Atzegitik eskainitako laguntzei esker.

Gaur egun, Gipuzkoako Foru Aldundiarekin hitzartutako Bizitza Independenterako Familia Laguntzako Programatik 55 pertsona artatzen ditugu Gipuzkoako hainbat udalerritan.

Gure egitekoa honakoa da:

  • Bizitza independenteko proiektua abian jartzeko aukerak ESKAINTZEN ditugu
  • Kalitatezko bizitza bat eramateko baliabideak bilatzen LAGUNTZEN dugu
  • Behar duten zereginetan LAGUNTZEN dugu
  • Kasu bakoitzeko JARRAIPENA egiten dugu beste zerbitzuekin koordinazioan
  • LAGUNTZA eta AHOLKUAK ematen dizkiegu familiei

Beste jarduera batzuk:
Bizitza Independenterako Familia Laguntza Programaren erabiltzaileei eskaintzen dizkiegun banakako laguntzekin batera, beste jarduera berezi batzuk antolatzen ditugu, hala nola:
- Egonaldi bereziak Gabonetan, Urteberrian eta Aste Santuan.
- Topaketa ludikoak
- Prestakuntza-tailerrak

Bizitza Independenterako Formazio Programa

2015ean, bide berri bati ekin genion Bizitza Independenterako Familia Laguntzako Programaren esparruan; prestakuntza tailerrak. Egun bi dira eskaintzen ditugun formazio aukerak. 

Oinarrizko formazioa:

Astero egiten diren ordu eta erdiko tailerrak dira. Urritik ekainera bitarte ematen dira Gipuzkoako eskualde ezberdinetan. Helburua ikasleek etorkizunean modu independientean bizitzeko oinarrizko abileziak garatzea da.

Formazio aurreratua:

Esperientziaren bidezko prestakuntza da hau. 3-4 hilabeteko prestakuntza-promozio txikiak dira. Etxebizitza pilotu batean egindako entrenamenduaren bidez, adimen desgaitasuna duten pertsonen talde oso txiki batek trebetasunak eskuratzen ditu bizitza autonomoko proiektuari ekiteko.

Programa hau 

    -ren laguntzarekin.

 

Informazio gehiago jaso nahi izanez gero, deitu 943 42 39 42 telefonora edo idatzi mezu bat ainhoa@atzegi.eus helbidera eta zurekin harremanetan jarriko gara.

 

Bizitza independeterako famili laguntza


vi2


vi3


vi4


Orrialdea: [1] : Guztira: [1] : [1]  Aurkezpena  Diapositiba


Aurkitu zure papera

Aurkitu zure papera

Azken kanpaina

Sare sozialak
Azken buletina
Lan poltsa
Iradokizun postontzia

Iradokizun postontzia