NI ZU BEZALA, ALTZA IKASTETXEAN

Aste honetan Altza ikastetxean egon gara NiZU= sentsibilizazio programarekin, ikastetxeetako haurrei zuzendutakoa. Kasu honetan Lehen Hezkuntzako 6. mailako ikasleek adimen desgaitasuna duten pertsonen errealitatea ezagutzeko aukera izan dute. Gainera, abenduan Gureak bisitatuko dute, errealitate hau gertutik ezagutu dezaten. 

Ni Zu Bezala programak ikasleei adimen desgaitasuna duten pertsonen zaletasunak, ohiturak eta gaitasunak erakusten dizkie. Atzegik eta Gureakek, ikastetxeekin batera, plan pedagogiko bat landu dute horretarako eta jada 8000 haur baino gehiago pasa dira bertatik.