II. ELKARRION TXAPELKETA |
Atzo izan zen Zubietan II. Elkarrion Txapelketa. Bertan Atzegiko eta Errealaren harrobiko 100 kirolarik baino gehiago parte hartu zuten. Txapelketa hau Real Sociedad Fundazioak eta Atzegik antolatu dute bigarren urtez, eta oraingoan ere Atzegi eta Errealako kirolariek espazio berean kirol jardunaldi batez gozatzeko aukera izan zuten. Ez dugu aukera hau galdu nahi eta Real Sociedad Fundazioari eskerrak eman nahi dizkiogu Atzegiko kirolariek Errealako jokalariekin batera Zubietako instalazioetan jolasteko eta guztiontzako aberasgarriak diren beste balio batzuk konpartitzeko izan zuten aukeragatik.
Ondoren komunikabide ezberdinetan izandako oihartzunaren berri eman nahi dizuegu. Hurrengo esteketan klik egin berriak ikusteko.
Honez gain, jardunaldiaren laburpen bideoa eta hainbat argaazki partekatzen ditugu ondoren. Ea gustokoak dituzuen!
Eskerrik asko atzo modu batera edo bestera bertan laguntzen egon zineten guztioi, zuei esker esperientzia zoragarria bizitzeko aukera izan baikenuen!!!!¡¡¡¡
