OPORRALDIAK PAZKO ASTEAN

Urtero bezala Pazko Astea iritsi eta hainbat eta hainbat talde joan dira oporretan Atzegiko Aisialdi eta Gizarte Partehartze Zerbitzutik antolatu dituzten bidaiei esker. Aurtengoan 18 taldetan banatuta, adimen urritasuna duten 238 pertsonek eta 46 boluntariok parte hartu dute oporraldietan. Oraingoan ere ez dugu aukera galdu nahi eta eskerrak eman nahi dizkiegu boluntario guztiei, beraien lana ezinbestekoa baita Atzegiko kideek oporrak gozatu eta ondo pasatzeko.

Ondorengo estekan ikusiko dituzue talde ezberdinetako argazkiak Salou, Peñiscola, La Pineda, Mallorca, Jaca edo Benidormen.

Argazkiak ikusteko sakatu hemen

Dagoeneko hasi gara hurrengo oporraldietako bidaiak prestatzen; beraz, adi egon, laster izango duzuelako udako oporren berri.