IKERTZEK BEGIRADAK JAIALDIA EGINGO DU |
Ikertzek, aisialdiko hainbat ekintzetan gurekin elkarlanean aritzen den enpresak, IV. Begiradak Zinema Amateurreko Nazioarteko Zinemaldia antolatu du hilaren 19tik 24ra Trueba zinemetan eta Aquariumean. Jaialdi honek lehen hezkuntzako, DBKko eta batxilerreko ikasleek egindako laburmetrailak biltzen ditu, eta baita profesionalak ez diren beste kolektibo batzuenak ere.
Hilaren 24ean, goizean, III. Zinema eta Hezkuntza Foroa ospatuko da, elkargunerako eta gogoetarako espazio bat da. Egun berean, 18.00etan, sari banaketa egingo da Donostiako Antzoki Zaharrean.