AUTOGESTOREAK, GASTEIZEN |
Pasa den larunbatean FEVAS Plena Inclusión-en eskutik 14. Autogestoreen Topaketan parte hartu genuen Gasteizen, Arriaga zentruan. Aurtengo gaia irisgarritasun kognitiboa izan da. Topaketa Apdemak antolatu zuen eta Gorabide eta Gaudeko pertsonek ere parte hartu zuten.
Goizean, leku ezberdinetako irisgarritasun kognitiboa aztertu genuen, ondo egindako gauzak eta hobetu beharrekoa identifikatzeko. Ondoren, Séneka andaluz zentruan bazkaldu genuen. Arratsaldean, batzuek dantzaldian parte hartu genuen eta beste batzuek Anillo Verde bisitatu zuten.